PAVO REAL
Pavo cristatus
O pavo real doméstico descende do Pavo cristatus, que habitaba unha parte da India. Aínda que xa era coñecido polos exipcios, non se coñeceu en Europa ata a época de Alejandro Magno. Adorada polos hindús como ave sacra, foi declarada ave nacional en 1963.
Descansa sobre as árbores subíndose a eles a última hora da tarde e sempre utiliza os mesmos sitios.
O macho ocupa un lugar fixo para realizar as súas exhibicións ás femias da súa especie, a outras aves e mesmo aos seres humanos.
Descrición
Ave doméstica e sedentaria, a súa plumaxe é unha mestura moi viva de cores desde verde a vermello.
O macho ten o pescozo de cor azul, dúas manchas brancas encima e debaixo dos ollos, na cabeza leva un copete de plumas moi finas e a cola está formada por plumas de diferentes cores moi longas. A femia é menos vistosa e non ten a cola en forma de abanico.
Existe a variedade branca ou albina, pero é máis frecuente en catividade.
Alimentación
É omnívoro, aliméntase de vermes, insectos, pequenas serpes, froitas, sementes, etc.
Habitat
É orixinaria da India. Vive en zonas de selva, próximas a zonas lugares con auga. Por medio da cría en catividade esta estendido por amplas zonas do mundo.
Status
UICN: Mínima preocupación (LC)
Aínda que en estado salvaxe foi un animal moi perseguido sobre todo pola beleza da súa plumaxe, aínda se lle pode atopar por algunhas zonas con relativa abundancia.
Os seus principais inimigos ademais do home son os tigres e leopardos. Ao ser introducidas en hábitats que non son os seus, é potencialmente transmisora de enfermidades a outras aves e mamíferos. Ademais compite polo alimento con outras aves, actúa como dispersora de sementes e podería afectar á dinámica da comunidade vexetal.
