Habitat

Ten preferencia por zonas arborizadas e campos abertos con árbores dispersas, bosques de ribeira, zonas illadas de piñeiros piñoneros, aciñeiras ou grandes carballos con amplas zonas onde poidan obter alimento. No inverno, as aves forman dormideros multitudinarios nos seus terreos próximos ao niño, xeralmente en bosquetes como piñeirais, eucaliptos ou algúns pequenos soutos. Os invernantes ocupan zonas despexadas con cultivos que en ocasións están próximas aos núcleos habitados que utilizan para a procura de alimento. A súa distribución é bastante ampla abarcando gran parte da súa poboación en Alemaña, Francia, e España. Ademais existen poboacións dispersas facía o norte de África, Gran Bretaña, illas mediterráneas, o Cáucaso, Turquía, e leste de Europa. En España, atópase distribuído en Navarra, Asturias, a comunidade Valenciana e Murciana, Cantabria, provincias costeiras de Cataluña, Albacete, Almería e Málaga. O principal destino invernal da especie atópase en España, onde os exemplares provenientes do resto de Europa, hospédanse desde Setembro, que empezan a chegar os primeiros exemplares, ata a súa afluencia máxima, entre Outubro e Novembro ata Xaneiro. Estas amplas concentracións danse en rexións como Aragón, Navarra, Castela León, algunhas partes de Andalucía, e Estremadura. España conta cunha importante poboación reprodutora, que se distribúe, con desigual densidade, por Navarra, País Vasco, Cataluña, Aragón, Castela e León, Madrid, Estremadura, Andalucía e algunhas provincias de Castela-A Mancha. Aínda que non se considera Galicia como zona de reprodución, pode ser visto ocasionalmente. En Baleares cría en Mallorca e Menorca e falta en Canarias —onde se extinguiu na década dos anos setenta do pasado século—, Ceuta e Melilla.