CLAMIDOSAURIO DE KING
Chlamydosaurus kingii
Aloxados na instalación con representación de especies do continente Australiano, na planta "0" do noso Exotarium, contribuíndo ao coñecemento de réptiles representantes dos distintos continentes e á difusión e posta en valor desta especie a través do noso programa de educación e concienciación ambiental.
Unha das características máis rechamantes é esa especie de colar de longas espiñas de cartilaxe que abre cando sente ameazado. Trátase dunha porción de pel que descansa detrás da súa cabeza e sobre o seu lombo.
Foi a inspiración para crear o diplosaurio de Parque Xurásico, aínda que non existe ningunha evidencia paleontolóxica de que ese dinosauro tivese esta crista.
Descrición
A coloración tende a ser marrón avermellado ou gris con manchas de cores máis escuras mesturados de forma moteada para dar a aparencia de cortiza de árbore. Non hai unha cor estándar, variando segundo a contorna onde habite. As súas cores son unha forma de camuflaxe.
Os machos son bastante máis grandes que as femias e poden alcanzar os 80 centímetros de longo.
Alimentación
Son carnívoros e aliméntanse de invertebrados como cigarras, escaravellos, termitas e mesmo pequenos vertebrados como ratos.
Hábitat
Endémico do norte de Australia e o sur de Nova Guinea. Pasa a maior parte da súa vida nas árbores, aventurándose ao chan só en busca de comida, ou para participar en conflitos territoriais.
O seu famoso colar xoga un papel importante no cortexo, despregándoo para atraer á femia, nunha especie de danza na que emite un son moi característico.
Status
IUCN: Preocupación menor (LC): A especie non é obxecto de medidas de protección especial.
