CERCETA PARDA
Marmaronetta angustirostris
É de conduta preguiceira e retraída. Moi discreta no seu comportamento, pouco ruidosa, que a miúdo pasa desapercibida.
Durante o cortexo emite un asubío agudo e áspero.
Esta especie parece sufrir un descenso rápido da poboación, como resultado da destrución xeneralizada do hábitat. Por tanto, cualifícase como vulnerable e son necesarias medidas de conservación.
Descrición
Pato pequeno duns 40 cm. aproximadamente e unha envergadura alar de 67 cm. Teñen unha plumaxe en tons grises e pardos con moitas pencas a topos claros e escuros, cunha liña ocular escura e que se dirixe cara á caluga e pescozo e toda a parte inferior son de cor pardo esbrancuxado. A punta da cola é branca. No macho aparece unha pequena crista máis desenvolvida que na femia e a plumaxe máis contrastada, pero non ten espello rechamante. Esta é a única diferenza significativa coa femia. As patas son de cor pardo-agrisado, cos dedos palmeados e o seu pico é algo estreito e alongado, negro-azulado e cunha liña delgada transversal azul preto da punta.
Alimentación
A dieta varía entre as estacións e os sitios e, ademais, coa idade. Os insectos son un compoñente importante da dieta, especialmente antes e durante a tempada de cría. As sementes pequenas son cada vez máis importantes despois da tempada de reprodución, por exemplo o arroz.
Habitat
Lagoas, marismas, ríos, humidais artificiais, etc. Adáptase moi ben ás temporais, impredicibles, de tipo mediterráneo e reprodúcese en lugares bastante secos, do mesmo xeito que en áreas esteparias de auga doce pouco profundas, lagoas salobres ou alcalinas con vexetación. Tamén se reproduce nas marismas do delta, onde as augas retroceden e deixan grandes áreas de augas pouco profundas con abundante xuncos e espadanas. Ademais, pode utilizar os ríos lentos, as lagoas costeiras salinas e os humidais artificiais como estanques de cría de peces. A pesar de que lle gustan os humidais salobres, tende a evitar as augas de alta salinidade. Os requisitos de microhábitat están fortemente influenciados pola dieta. Distribúese de maneira fragmentada pola rexión mediterránea, Asia suroccidental, Asia central e África occidental.
Status
IUCN: Vulnerable (VU) Está protexida legalmente en Bulgaria, Israel, Marrocos, España, Rusia, Tunisia e Turquía. Existe, ademais de medidas puntuais nestes países, un plan de acción europeo. Entre algunhas das medidas propostas están levar a cabo sondaxes regulares e vixilancia, investigar a súa ecoloxía, etc.
