Campamento de Entroido para rapaces e rapazas.
O 12 e 14 de febreiro celebrarase o campamento de Entroido en Vigozoo dirixido a rapaces e rapazas de 6 a 12 anos. Contará con un importante número de actividades temáticas e de ocio dende as 9:30 ata as 14:00 horas. Para garantir a conciliación dos pais e nais, o campamento inclúe un horario de madrugadores a partires das 8:00 horas.
O custe do campamento son 12 euros por participante o cal non inclúe comida, e os participantes que o prefiran, poderán quedarse a comer supervisados polos monitores e traendo a súa propia comida.
A temática deste campamento son os “disfraces na natureza”, a cal versará en das a coñecer as técnicas de camuflaxe e mimetismo que empregan os distintos tipos de animais para ocultarse ou depredar na natureza e relacionalo coa época de entroido e os disfraces. De forma que todos os participantes que o desexen poderán asistir disfrazados de tema libre e o último día de actividade poderán participar nun pequeno concurso.
O obxectivo principal deste campamento, dentro do programa de educación ambiental, é a de promover a concienciación ambiental e o coñecemento da biodiversidade, principalmente no ámbito local, dando a coñecer unha temática particular ao mesmo tempo que se traballa o ocio e diversión adaptado a cada grupo de idade. Para acadar este obxectivo están programadas un conxunto de interesantes actividades, dende obradoiros, audiovisuais, visitas e xogos educativos adaptadas a cada rango de idade.