parallax background

RÉPTILES

TARTARUGA CARBOEIRA

Chelonoidis carbonaria

Procede dunha cesión dun particular no ano 2020, que despois de máis de 10 anos como mascota, circunstancias familiares obrigaron a buscarlle un novo fogar. Hachi , así se chama, está aloxada na instalación con representación de especies do continente Americano, na planta "0" do noso Exotarium, contribuíndo á difusión e posta en valor desta especie a través do noso programa de educación e concienciación ambiental.


Descrición

A palabra tartaruga deriva do termo grego “ tartaruchos”, vivenda dos tártaros, e do latín “ tartaruchum”, que significa demo. Por este motivo, durante moitos séculos as tartarugas foron considerados a encarnación de espíritos malignos. Esta tartaruga tamén se lle coñece como “Tartaruga de patas vermellas”, “ Morrocoy Sabanero” e “ Morrocoyo”. O caparazón é escuro con areolas amarelas ou alaranxadas. A cabeza, a cola e as patas adoitan ser negras con manchas amarelas, alaranxadas ou vermellas. Nalgunhas poboacións a cabeza é principalmente amarela ou practicamente vermella, dependendo da súa distribución xeográfica. O caparazón presenta unha coloración clara ao nacer e a melanina distribúese de forma uniforme ao redor da areola, por iso, nos individuos adultos as placas son negras. Presenta dimorfismo sexual, as femias caracterízanse por ter o peto plano e o caparazón lixeiramente máis convexo. O caparazón dos machos presenta un estreitamento en forma de “ clepsidra” e a base máis cóncava. Unha cola máis longa e os escudos anais máis abertos. O cortexo e o apareamiento prodúcese durante todo o ano. Durante o ritual do cortexo, o macho realiza movementos coa cabeza e emite un chasquido parecido ao dunha galiña.

¡Descobre máis especies!
Alimentación

É herbívora, e só ocasionalmente toma alimentos de orixe animal. Aliméntase de herbas, follas, flores, legumes, fungos, invertebrados (babosas, termitas, bolboretas e outros insectos), e en ocasións, de carroña e feces doutros animais.

Hábitat

É orixinaria de América do Sur, concretamente das zonas adxacentes á conca do río Amazonas: Panamá, Colombia, Venezuela, nordés de Brasil ata o norte de Arxentina, Trindade, Paraguai, Bolivia e algunhas illas do Caribe. Ocupa as áreas máis abertas das sabanas húmidas e dos bosques tropicais. Prefire ambientes espazosos, cálidos e húmidos, como a sabana, pero detesta a luz solar directa. É máis activa pola mañá e á tardiña, e cando chove.

Status

Está incluída no Apéndice II de CÍTES e no anexo B do Regulamento CE 338/97. O comercio ilegal das tartarugas terrestres do xénero Chelonoidis como mascotas está a favorecer á desaparición destes réptiles no seu hábitat natural e á transformación da sabana e os bosques tropicais en campos de cultivo ou para o gando.


Entradas